مرتضى منصور لـ"رئيس الوزراء": "عاوزين بكره أجازة عشان الانتخابات"

أشاد مرتضى منصور، رئيس الزمالك، بالدور الذى تقوم به قوات الجيش والشرطة فى تأمين العملية الانتخابية، مطالباً الحكومة بمنح المواطنين غداً الاثنين إجازة حتى يتمكنوا من المشاركة فى انتخابات البرلمان، قائًلا: "عاوزين بكره اجازة عشان الانتخابات".

ودعا "منصور" فى مداخلة هاتفية مع الإعلامى وائل الإبراشى ببرنامج "مصر تقرر" المذاع عبر فضائية "دريم"، المصريين للنزول والمشاركة فى الاستحقاق الثالث لخارطة الطريق، قائلاً "مافيش مكبرات صوت فى اللجان ولا كلام عن تقفيل صناديق..والناس اللى نزلت فى 30 يونيو لازم تنزل لاستكمال الاستحقاق الثالث..انزلوا..كلهم 10 دقائق، فكاتم الشهادة آثم قلبه".

وتابع" قصة تزوير احمد عز والبلتاجى انتهت للابد، ومافيش تزوير نهائيا بفضل الإدارة المنضبطة للقضاة.

وطالب رئيس نادى الزمالك، رئيس الوزراء بمنح المواطنين أجازة رسمية حتى يتمكنوا من النزول والمشاركة فى الانتخابات البرلمانية، موضحاً "المرور زحمة، والناس بترجع من شغلها تعبانه وهلكانه، ومن فضل حضرتك يارئيس الوزراء لازم بكره يبقى أجازة".

وطالب مرتضى منصور، رئيس الزمالك، المصريين بالنزول والمشاركة فى الانتخابات البرلمانية، لاستكمال الاستحقاق الثالث لخارطة الطريق، موضحًا: "نرجوكم انزلوا، النهاردة مش الحكومة اللى بتلعب دى مصر اللى بتلعب".

وقال "منصور" فى مداخلة هاتفية مع الإعلامى وائل الإبراشى ببرنامج "مصر تقرر" المذاع عبر فضائية "دريم": "ارجوك ومن فضلك انزل بدل ما أنت بتتفرج على برنامج رياضى.. أنت اللى فى إيدك الريموت كنترول.. تخلى مصر أفضل دولة فى التاريخ أو ترجعها 100 سنة للوراء".

وأكد رئيس نادى الزمالك، أهمية البرلمان القادم فى ممارسة دوره التشريعى والرقابى والنهوض بالدولة.