أشرف أبو زيد محمود يكتب: أنا حفيد الأبطال

سينا يا سينــــــــــــــــــــــــــا *** رجعتى بدم ونــــــــــــــــار
أنتى نور عينيــنــــــــــــــــــا *** هنخلى ليلك نهـــــــــــــــار
انا حفيد الأبطـــــــــــــــــــــال *** أنا حفيد الأحــــــــــــــــرار وأبوية وعمـــــــــــــــــــــــى *** جيل الثــــــــــــــــــــــــوار
أنا جدى حارب زمــــــــــــان *** علشان يحرر سينـــــــــــــا
وأبوية نزل الميــــــــــــــدان *** علشان خايف عليـــــــــــنا
وأنا لو جيـــــــــــــــه دورى *** مش هتأخر يا بلـــــــــــدى
وهضحى وأقدم ليكـــــــــــى *** أغلى شىء عنــــــــــــــدى
ومش هنسى وصية أبويـــا *** وهوصى بيها ولـــــــــــدى
قالى تراب الوطــــــــــــــــن *** أروى بدم العــــــــــــــروق
ومهما تنزل يا ولــــــــــــدى *** طلع بلدك لفـــــــــــــــــــوق
سينا مش رملة وجبـــــــــال *** ولا أرض على الحــــــــدود
سينا تاريخ أبطــــــــــــــــال *** ضحوا علشان تعــــــــــــود
والجيش قالها كلمــــــــــــة *** ودى كلمة أســـــــــــــــــود
أللى يبص لأرضهـــــــــــــا *** هنلغيه من الوجــــــــــــــود
وبقول فى أحلى عيـــــــــــد *** لكل أم شهيــــــــــــــــــــــد
متبكيش يا أمــــــــــــــــــى *** أخويا عايش أكيـــــــــــــــد
عارفة ليه يا أمـــــــــــــــى *** عمره ما يموت الشهيـــد
أخويا عايش يا أمـــــــــــى *** عايش مع ربنـــــــــــــــــــا
بيتمنى نكون معـــــــــــــــا *** فى الجنة كلنــــــــــــــــــــا
سينا يا سينــــــــــــــــــــــا *** رجعتى بدم ونــــــــــــــــار
أنتى نور عينيــنـــــــــــــــا *** هنخلى ليلك نهـــــــــــــــار
أنا حفيد الأبطــــــــــــــــــال *** أنا حفيد الأحـــــــــــــــــرار وأبويه وعمـــــــــــــــــــــى *** جيل الثـــــــــــــــــــــــــوار