مصراوى
ومش ناوى
أكون
أراجوز ولا حاوى
ولا أقبل
ظلم ورشاوى
أنا ناوى أكون
يا بلدى مصراوى
ومش حاقبل
أكون مكسور
هـ أخلى العتمة
تصبح نور
ولا أرجع تانى للماضى
وأضيع عمرى ع الفاضى
فى زفة وناصية وقهاوى
أنا ناوى أكون
يا بلدى مصراوى
أشيل اسمك على راسى
وأكل لقمتى بفاسى
وأطيب جرحك القاسى
وأصحصح شعبك الناسى
وأقول يا أهلى يا ناسى
بلدنا السمرا محتاجة
لرجالة
سواعد حرة شغالة
أطب وعلما وعمالة
حاكون شاعر
يحط الكلمة ع الكلمة
وتطرح فن وغناوى
حاكون جراح
يطبب جرح ويداوى
حاكون فلاح
وابدر بذر وتقاوى
حاكون عامل
وابنى قلعة من تانى
بشغل صنايعى مش هاوى
حاكون قاضى
وأحكم ربنا فينا
وأكون راضى
وأطهر كل أمراضى
ما فيش تانى معلشى
ما فيش تانى وأنا مالى
أموت أحسن ولا أعيش
زمنا وعهدنا الماضى
ومنش ناوى أكون
أراجوز ولاحاوى
أنا ناوى أكون
يا بلدى مصراوى
صورة أرشيفية
لا توجد تعليقات على الخبر
تم أضافة تعليقك سوف يظهر بعد المراجعة