أيمن ماهر يكتب: أنا فرحان.. أنا فرحانة

المصرى رجعت أيامه
اتحدى الصعب.. ويحيا الشعب
بسواعده حقق أحلامه

الحلم الغالى بدأناه
وهنحفر تانى قناة
واللى انكسر هنصلحه
مصر هتضحك بعد آه

فى القناة يعنى اقتصادنا
يعنى مستقبل ولادنا
يعنى مصر تعلى لفوق
والعالم يعرف قيمتنا

التاريخ بيعيد مكانه
والأمل عاد من جديد
والمصرى عنتر زمانة
أيده أقوى من الحديد

مصر معروفة بأصولها
مستحيل شر يطولها
واللى هيفكر فى يوم
يدفن تحت ترابها

هى فكرة بجد كانت
عايزة شهم يتخذها
ولما شمس الفكرة بانت
السيسى راح خد بأيدها

ابن مصر أصيل وراجل
واللى فات ما هزهوش
قال هكافح قال هناضل
وذل مصر أنا ما أرضهوش

خدها بجد ومش هزار
حب مصر هو اختار
وأى حد غيره تانى
مستحيل يأخد القرار

قال يا رب أنت عالم.. احمى كل المصريين
كل قبطى وكل مسلم
ومش هتاجر باسم دين

مصر معروفة بجنودها
هم دول خيرة ولادها
هم دول اللى بيهم
سينا أترفع علمها

سينا قصة فى كل قلب
سينا روح.. سينا حب
سينا يعنى أمل فى بكرة
دم.. رمل معجون بحب

هى دى طبيعة بلادنا.. فيها حب فى كل درب
والطبيعى.. أكتر وحدتنا
والوفاء فى كل قلب
مصر كله عينه منها
أيش هرمها وأيشى نيلها
والقناة خلت حاسودها
تأكل النار فى قلوبها

مصر أمى بيتى وبيتك
حان للعالم يسمع صوتك
يلا نكمل القناة
فى أرض سينا غيطى وغيطك
يا رب خلى الخير فى مصر دايما