القلب راح للقناة وبكل شوق فرحان
والنيل بيرمى السلام والحِلم هلّ وبان
دقت ساعات العمل يامصر ولاّدة
والإيد بتبنى الأمل يامصرى يا إنسان
*******
لمّا السويس انتشت وفى بورسعيد أفراح
والقنطرة زغردت لتحية الملاّح
كل الرايات رفرفت واتزيّنت سينا
رافعين إيدينا بندعى من نجاح لنجاح
*******
هتسير سفينتك يابلدى والجميع هيسير
ورخاء يرفرف علينا بالنضال هنطير
الإيد بإيد يابلد كلنا فى السرب
والرب واحد وقادر تبقى مصر بخير
قناة السويس الجديدة – أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة