كرهتك خلاص يا دنيا
ولا حابب فيكى ثانية
اللى ضحيت عشانها
لقيتها أنا واحدة تانية
ارجع بيا يا زمن
مليت حزن وشجن
أسأت أنا الاختيار
ودفعت شبابى تمن
افتكرت حبى طيبة
رجولتى كانت خيبة
عايشة فدور الكرامة
شايفة كرامتى عيبة
قتلت حب صافى
هجرت حضن دافى
اوعاك فـ يوم يا قلبى
تعيش مداس للحافى
يا ضى صابنى بعمى
طلعنى فوق للسما
فتحت وأنا عالأرض
كأنى شىء واترما
يا زمن كله خداع
الخير ما بينا ضاع
قناع لـ ألف وش
و وش بـ ألف قناع
صورة- أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة