يا اللى دبحتوا القطة زمان....كنتو ادبحوالى معاكوا اتنين
الا مراتى جابتلى جنان.....بامشى ومابالخبطش عجين
الكلمة دايما كلمتها....والشورة طبعا شورتها
تقول شمال براحتها.....تقول يمين هى اليمين
جيوبى دايما منفضاها.....وفلوسى بالسحتوت واخداها
حركاتى كلها راصداها....وبتحاسبنى ولا الملكين
عارفة العلاوة الدورية.....وكل سنة لينا قضية
خلتنى كرهت النقدية...ان قلت عشرة تقول عشرين
وارجع من شغلنى تعبان....عايز ارتاحلى ساعة زمان
ولو سالت عنها الجيران....ولا يعرفوا راحت على فين
والاكل حدث من غير كسوف....لو دبحت فرخة تقول ده خروف
هو انا اعمى الهى اشوف....فى اللى ظلمنى يار ب يومين
لو تتكلم صوتها عالى....انشلا فى انصاص الليالى
دايما تزعق تقف تلالى....وما يرضيش ربنا والدين
وان جت مرة تزورنى امى....بتبكى لما تشوف همى
ومراتى كمان تحرق دمى...وتقول مش جاتلك من سنتين
ولو تروح عند الخضرى.....يبقى يومه باين بدرى
والفكهانى يطلع يجرى....ويقولوا شطبنا ومش بايعين
اللى مصبرنى سبع عيال...البت الكبيرة دلال
والواد المقروض جلال....واخواتهم حيروحوا لفين
اوعوا تقولوا باحبها....او باتمنى قربها
عاملالى عمل باينها....ما اقولش غير حاضر وامين
ياللى دبحتوا القطة زمان....كنتو ادبحوالى معاكوا اتنين
زوج وزوجة بيتخنقوا
مشاركة
اضف تعليقاً واقرأ تعليقات القراء
مشاركة
اضف تعليقاً واقرأ تعليقات القراء
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
مروه
عكس عكاس
عدد الردود 0
بواسطة:
سلوى
كان زمان وجبر
عدد الردود 0
بواسطة:
صلاح السنديوني
مجرد صورة