إنتى إزاى مبسوطة.. إنتى إزاى بتحبى الحياة كدا.. بحب أنك دايما متفائلة.. بحب حبك للحياة.. بحب فرحتك.. بحب طفولتك.. دا كلام دايما بيتقال لى.. وكمان بحب أسمعه طول ما النية مش حسد ولا حقد يعنى.
ممكن أوضح مبدأى أنى ليه على طول مبسوطة.. دا مش فراغ ولا حاجة.. بس لكل حاجة سبب ومبدأ.. يعنى أكيد فى أوقات بزعل وبتعصب وبقلق وكل حاجة.. منا بنى آدم عادى يعنى.. بس أنا مش بعرف أقسم حزنى مع حد غير أمى.. فى مش بيبان عليا مع الناس غير الفرح والسعادة وبس.. إلا بس لو حزنى شديد لدرجة واضحة عليا جدا.
وبعدين أنا بيبان على وشى كل حاجة.. مبسوطة أو مضايقة.. مش عيب إنى بحب أعزم الناس كلها على ضحكة بدل حزن.. يعنى أعزمك على ضحكة وابتسامة ولا أعزمك على حزن وزعل ونكد.
خلى العزومة على ضحكة دى مبدأ فى حياتك.. اعزم صحابك وأهلك ومعارفك كلهم على ضحكة.. بدل ما العزايم كلها أكل وشرب وفسحة وبتاع.. اخترع عزومة على ضحكة.
افرح وفرح.. اضحك وضحك.. اتبسط وابسط.. تعالوا نعرف إيه هى السعادة بجد.
السعادة بجد.. سؤال عايزين له إجابة.. هى السعادة بتيجى لما حاجة تحصل لنا.. ولا السعادة بتيجى من جوانا.. تعالوا نشوف سوا كدا.. أنت بتكون دايما مبسوط وأنت قاعد مع حبايبك.. أهل أو صحاب أو حبيب أو حبيبه.. ولا سعات طاير من الفرحة وسعات مش مبسوط.. طب مش المفروض أن لو السعادة من اللى حوالينا إننا نكون دايما مبسوطين باللى حوالينا.. بس إحنا ساعات ساعات.. يبقى السعادة من جوانا.. بتيجى مننا لينا مش من الحوالينا لينا.. من الآخر السعادة قرار.. قرر تكون سعيد..
عشان تتشجع وتكون دايما سعيد.. خليك مع الناس اللى بتطلع أحسن ما فيك.. خاليك مع الناس اللى دايما بتكون سبب أنك تضحك وتفرح.. قرارك بالسعادة.. مع فرحتك بالناس اللى حواليك.. دا السعادة اللى بجد.
صورة أرشيفية
مشاركة
اضف تعليقاً واقرأ تعليقات القراء
مشاركة
اضف تعليقاً واقرأ تعليقات القراء
لا توجد تعليقات على الخبر
تم أضافة تعليقك سوف يظهر بعد المراجعة