لمبة جاز، قلة مزخرفة، كنكة قهوة، براد شاى هذه هى بعض من النماذج التى اختارها "شريف" خريج كلية التربية الفنية ليزرع فيها النباتات فى إطار معرضه الذى يقيمه بشكل دورى منذ 4 سنوات ويحمل اسم "بصمة".
يشرح الهدف من فكرته لليوم السابع قائلا: "بصمة بدأت كمحاولة لإعادة إحياء التراث من خلال طرق غير اعتيادية فى البداية عملت إكسسوارات مزخرفة بصور لفنانين الزمن الجميل زى إسماعيل ياسين وزينات صدقى وفاتن حمامة وغيرهم عشان مش بس الناس تقتنى صورهم فى براويز فى البيت أو ميدالية أو حصالة لكن يقدروا يلبسوا حلق أو خاتم عليه صورهم فى كل مكان."
يتحدث عن أخر أفكار "بصمة": "فى كل معرض بنعمل حاجة جديدة نحيى من خلالها التراث والحاجات القديمة اللى كنا بنستخدمها والمرة دى عملت فكرة زرع النباتات فى أوانى غير تقليدى زى لمبة الجاز والقلة والكنكة وبراد الشاى والكوز عليه أفيش فيلم قديم وبكده نقدر نستحضر التراث من جديد فى كل مكان حولنا."
