المخرج عادل أديب يعلن تكريمه "سريًا" على "فيس بوك"

نشر المخرج عادل أديب على صفحته الخاصة بموقع التواصل الاجتماعى "فيس بوك" شكره لقنوات النايل دراما، لتكريمه عن مسلسل جبل الحلال حيث كتب: "التكريم السرى!!! تم تكريمى الليلة الماضية فى مهرجان النايل سنيما .. سريًا، إينعم، جالى تليفون من 3 أيام،

أستاذ عادل حضرتك ح يكرمك التليفزيون يوم 24 فى فندق سميراميس على أعمالك التليفزيونية.. على قد ما فرحت على قد ما قولت هو أنا عجزت قوى كدة ؟؟؟ أنا لسه ماجيبتش الخمسين أصلا، بس سرعان ماقولت كويس إحنا دايما بنتكرم لما نموت أو لما نكون على كرسى بعجل .. وماله.. وقالوا ح يبعتولى الدعوة، زوجتى الغالية إمبارح كانت فى افتتاح المسرح القومى.. وكلمتنى وسط الزحمة وبتقولى عادل دا تكريمك النهاردة كمان نص ساعة، أنا طالعة على هناك عشان ألحقه.. ودا تكريم قنوات النايل مش التليفزيون، الحمدلله تم تكريمى وأنا لسه عايش وشاب وبكامل صحتى بس وأنا بالجلابية فى البيت شكرا يا.. تليفزيون".

يذكر أن المخرج عادل أديب قام بإخراج العديد من أهم الأعمال ومنها "هستيريا، ليلة البيبى دول، باب الخلق، جبل الحلال".