وأنا واقف عالرصيف..
مستنى ساعة الوصول..
وشوش الناس كتيرة..
قد ما تقدر تقول..
إللى مسافر شمال..
وإللى رايح جنوب..
قطر واقف ينزِّل..
مستنى فيه رسول..
يا مقرّب البعيد..
وابص فى المحمول..
هانت يا إخواتى واللهْ..
هاتولنا شقة فول..
شقَّة نتسلّى بيها..
ونشرب اللمون..
القطر قرّب يوصلْ..
يا مثبت العقول..
سامع إللى نادى..
الصوت مس مسموع..
يا عم إنت إللى دايخ..
القطر على وصول..
واهو دخل المحطة..
بالصلى عالرسول..
فين عربية ستَّة..
واجرى كالمجنون..
كإن قلبى حاسس..
إن فيه عزول..
زرع القنابل..
فى ساعة الوصول..
واختلطت المشاعر..
واتجنّت العقول..
إللى يزرع بيحصد!!
ياقاتل!! يا معدوم!
أدور على اللى واصل..
واللا أصرخ عالمقتول..
واسمع لمّا أقولك..
يابتاع القنابل..
يا أبو الدماغ مسطول..
أنا بكرة عالرصيف..
مستنى ساعة الوصول...
قطار
لا توجد تعليقات على الخبر
تم أضافة تعليقك سوف يظهر بعد المراجعة