"أحلى حاجة فى الشتاء".. هاشتاج على تويتر يسترجع ذكريات المصريين مع "البرد".. أبرزها "الحلبسة" والمشى تحت المطر.. الآيس كريم فى إسكندرية.. السيجارة فى البلكونة و"النَفْخ فى الإيد" للتدفئة

للشتاء فى مصر طابع وطقوس خاصة، نستعد لها قبل حلوله، وفى غيره من الفصول، تظل الذاكرت معلقة بأحداث وقعت خلال هذا الوقت من العام، ونبقى فى اشتياق له حتى يحل علينا من جديد، فمن منا لا يشتهى السير تحت زخات المطر، والسير ليلا فى شوارع الإسكندرية بنسماتها العليلة، وارتداء الملابس الثقيلة، واحتساء المشروبات الساخنة، والمأكولات الدسمة، التى نمد الجسم بالطاقة وترفع من درجة حرارته، لتتلاءم مع درجة حرارة الجو الخارجى.

ومع اقتراب دخول فصل الشتاء، استرجع رواد موقع التواصل الاجتماعى "تويتر" ذكرياتهم مع طقوسهم خلال هذا الفصل، ودشنوا هاشتاج حمل عنوان "أحلى حاجة فى الشتا"، عبروا من خلاله عن أجمل اللحظات التى يقضونها خلال هذا التوقيت من العام.

"الجرى تحت الشتا.. وترفع دماغك عشان تشرب ميه المطر.. وتطلع دخان من بؤقك أكنك بتشرب سجاير... ياااااه"، هكذا عبر محمد المصرى عن ذكرياته مع الشتاء.

بينما اعتبرت لمياء سعيد أن: "أحلى حاجة فى الشتاء المطر، وجنانا أنا وأصحابى فى شارع لما الدنيا تمطر"، وأضافت: "فى الشتاء تحسن إن البيت بيكون فيه دفء غير طبيعى ولمه الأهل والأكل بيكون ليه طعم تانى".

احتساء المشروبات الساخنة فى فصل الشتاء، أطل برأسه على مستخدمى الهاشتاج، حيث كتبت آية الزغبى "أحلى حاجة فى الشتاء السحلب الحلبسة والبطاطا والعدس واشرب يا معلم واتكيف ويا سلام بقا لو فى الهوت شوكلت".

وغرد محمود جمعة قائلاً: "أحلى حاجة فى الشتاء المشى على الكورنيش فى عز التلج والقعدة على القهوة بالليل والدنيا هدوء، الدفا مع الناس اللى بنحبها".

الهدوء سمة غالبة على فصل الشتاء، وهو ما اعتبره سيد رمضان الشىء المفضل بالنسبة له، وعبر عن ذلك قائلاً "أحلى حاجة فى الشتاء إن كل واحد بيبقى فى حاله مفيش بقا ناس بتتلكك لبعض ومش طايقة نفسها كله بردان ومش قادر يتكلم".

وأضاف هاشم سيد "تحس أن طريقة لبس الشتاء بتكون ليها شكل تانى ويا سلام لما الدنيا تمطر وتبقا مش عارف تلبس إيه عشان متتبهدلش، طبعا مفيش أجمل من إنك تخلص شغل وتجرى تنط تحت البطنية وتستخبى من برد الشتاء".

محمد الشافعى اعتبر أن أفضل طقوسه خلال فصل الشتاء هو "أطلع البلكونة والدنيا بتمطر ومج النسكافيه فى إيد والسيجارة فى إيد".

وتابع محمود الدياسطى "أفضل حاجة فى الشتاء النوم جنب الدفاية بس منها لله الدراسة هادمة اللذات ومفرقة الجماعات"، وأضافت نهى السيد "أحلى حاجة أكل اللفتة وشوربة العدس والنوم تحت البطانية وأنا بتفرج عالتليفزيون".

وواصل النشطاء تعبيرهم عن أفضل لحظاتهم فى الشتاء قائلين: "تمشى فى الشارع الفجر والجو مندى كدا ويقوم ممطر عليك مطرة خفيفة ولا تركب ورا حد على موتوسيكل والهوا البارد يقابل وشك"، "أحلى حاجة فى الشتا لما تكون سقعان وبتنفخ فإيدك عشان تدفى"، و"إنك تروح إسكندرية وتنزل البحر والمطرة تمطر عليك"، و"تمشى على البحر وتاكل آيس كريم".