بالفيديو.. ننشر قصيدة "أنا إخوان" للشاعر هشام الجخ.. وأنباء عن بلاغات جديدة ضد الشاعر تتهمه بإهانة الرئيس

تداول النشطاء عبر مواقع التواصل الاجتماعى قصيدة الشاعر هشام الجخ "أنا إخوان" والتى ألقاها يوم الأربعاء الماضى فى مكتبة الإسكندرية، والتى وردت أنباء عن أنها تسببت فى إصدار قرار بضبطه وإحضاره للتحقيق معه فى بلاغ يتهمه بإهانة الدكتور محمد مرسى رئيس الجمهورية وجماعة الإخوان.

وكان الجخ قد ألقى قصيدة "أنا إخوان" والتى عبر من خلالها عن غضبه من سياساتهم ومحاولة سيطرتهم على السلطة والانفراد بها تعبيرًا عن غضبه من سياسات جماعة الإخوان وانفرادهم بالسلطة والحكم، وإلى نص القصيدة

أنا إخوان

أنا إخوان وكل المسلمين إخوان

فما تصنفش إسلامى على كيفك

حقيقتى أقوى من زيفك

وصأبعى لوحدة بكفوفك

ولاتهزش قصاد خوفك

يا خوف يا جبان أنا إخوان

بطيع الله فى ملكوته

وبدعى يزيدنى من فضله ومن قوته

وأصلى وأصوم

وأجاهد نفسى وأصبر عالبلا وأحمد وحمدى يدوم

لأنه الرازق الوهاب وهو مسبب الأسباب

فله الفضل والمنة وليه الطاعة

فماتبصش لدينى نظرة طماعة

أنا دينى لا هو سلعة ولا بضاعة

ولا ليه سوق

لا أنا بايع ولا شارى

إيمانى هو رأسمالى

فاصحى وفوق

مانيش إخوان على نهجك

فلم من الدروب همجك

كفاية شقوق

مش أنت لوحك الإخوان

أنا إخوان بحق الله وبالسنة وبالقرآن

وقت الجد أنا عثمان

وقت الحرب أنا حمزة

ووقت الفصل ببقى فاروق

أنا إخوان على الرحمة وعلى التقوى وحب الناس

لكن عمرى ماهتأخون بأخونتك على الصندوق

عينيكم فيها كل النور ومش شايفة

غباوة إنك تهدد ناس ماهيش خايفة

بتهدد فى مين يا حزين

ده أنا إلآهة اللى طلقونى

وجيعة وسارحة فالشارع

ومش ممكن هتخفونى

هتسمعنى وغصب عن عنيك الجوز على دماغك هترفعنى

أنا الناس اللى عاشت تحت خط الفقر

وأنا الناس اللى ماتت وملتقتش القبر

فسيبك ماللى بيجاملك واللى بيهيص

وركزلى واسمع كلمتى كويس

أنا الثورة اللى عملت منك الريس

أنا اللى يادوب من سنتين

كنا بنتحبس صحبة

وكنا بنتجلد صحبة
وكنا فى الميدان صحبة

بتبعد ليه وتكتب عالطريق غربة

بتمشى فالطريق الصعب وحدك ليه تهملنى

مهو لو صعبة عليك الشيلة شيلنى

تلاقينى معارضك اه لكنى وراك

بقدف فالسفينة معاك

أكون ودنك أكون عينك

أكون جوة فدراعينك

نبنى بلدنا لهوانا

مش لهواك

وخيرنا يبقى جوانا مش جواك


مش أنت تخدلى فالقرارات وأنا اللى أمسح بأيدى.....

ماتتلككش بالناس اللى بيعارضوك

ماتتشتش ماتتسوحش

بلدنا عايزة ريس وحش

يسمع نقده بودانه

مايتكبرش

يكون جبار على الظالمين

رحيم بينا ينام بينا

ويقوم بينا

يمشى يعف فالشارع على الجعانين

ويفهم أن فالشارع شباب ثايرين

ملحقوش يبقوا كارهينك

فماتزودش نار الكرة فى قلوبهم

شباب شايف فلوس بلده مش بتخش فجيوبهم

ماتخدعناش ببقين من بتوع حسنى يا مولانا

وريمنا كلام

وصدى من الغنى قفانا

ماتدبحليش حمامة يتيمة على عينها

وتقنعنى أنه ديك رومى

ماتلعبش أنت فى المية وتمسح أيدك المبلولة فى هدومى

ومش كل أما توعد وعد تطلع بق

وماتشدش فرامل اليد وتطلب منى انزل أزوق

ولما الناس تكون ثايرة ومختلفة ماتخطبليش فى أتباعك

ولما تكون مع وزيرة ماتعبليش فـ........

ولا تسمعنى ولا أهلى ولا عشيرتى

وخيرنا يبقى لبلدنا قبل ما أبص على جيرتى

بلدنا أحواض من البركة وعمر النيل

بلد دفيانة بالقرآن وبالإنجيل