رامى محمد زين يكتب: السلطة قالت للمال "ما تتجوزنى يا ابن الحلال"

السلطة قالت للمال
ما تتجوزنى يا ابن الحلال
وإللى هيخطرلك ع البال
هنفذهولك ف الحال
خد الموضوع باهتمام
واسمع منى الكلام

مش كل مره هتدفع تفوت
ساعات كتير هتحتاج كروت
وحدك هتفضل واقف كتير
زى غيرك أعداد طوابير
معايا هتمسك منصب كبير
قيادى ف حزب أو تبقى وزير
ولما يؤون الأوان
جنب كل إللى فات
هدخلك البرلمان
من غير حتى انتخابات

وساعتها أمورك هتمشى بسهوله
ولو جرالك حاجه انا المسؤوله
ولو يوم عملت مصيبه ف مدينه
هخرجك منها زى الشعره م العجينه
بس خلى اجابتك ف كل مشكله
واحده مع المسؤولين

وما تديش اهتمام
ولما تزيد الأسئلة
قولهم أنتوا ما تعرفوش أبقى مين
أنا جوز المدام