خالد عز الدين يكتب: خليها له

خليها له يا قلبى خليها له
دمعة نازلة من عيونه طب وماله
ده اللى باعنى فى يوم زمان ولا جيت فى باله
جاى يقوللى انى حلمه اللى فى خياله
لا يا قلبى خليها له...
قلبى من يومها هيقسى بس صعب أنه ينسى
ينسى كلمة حب حلوة قولتها له
ينسى نظرة شوق ولهفة عيشتها له
قوللى بس ازاى يا قلبى هنساها له...
قولتها له من زمان أنا قولتها له
لو فى يوم سابنى عمرى ما هنساها له
ده اللى قاللى كل واحد راح لحاله
ليه بيطلب منى تانى أعديها له
لا يا قلبى أنا قولتها له...
ليه بيرجع تانى ليا يصعب البعد عليا
يا قلبى اوعى تحن تانى
لو لمرة خليك أنانى
اللى سابك من زمان مالك وماله...
هيعيش وبعدى هيموت فى بعدى
وأنا هنسى قلبه وهنسى وعدى
هنسى نظرة حب فاتت
يوم عليا خلاص وماتت
وأقول لقلبى أيام زمان أنا سيبتها له...