يا شعب حافظ ع التاريخ
وخاف ع البلد حبة
ثور واصرخ وطالب
بس بحضارة ومحبة
الثورة ضاعت وانتهت
وباقى ع الوطن حبة
وبقينا من شعوب العالم
مكسوفين وبنستخبة
الكل طلع لسانه
وآلف علينا نكت
الكل شاف الخلاف
ما شاف الأم اللى بكت
على دم ولآدها اللى سال
على ايد ولآدها الطماعين
وعشان ما فيش احتلال
بقينا مكسوفين
الوقت عمال يضيع
والشعارات ولا ليها لازمة
الدمار والخراب سريع
والوطن أصبح فى أذمة
والنخبة بقيت حزب كنبة
والقوة السياسية حزب كرسي
والشعب ضاع حقه
بين النخبة وعشيرة مرسي
يا شعب فوق وقرر
يا تصبر يا تهد النظام
من صمتك أرجوك اتحرر
بالفعل مش بالكلام
الوقت مش فى صالحنا
إتخربت بيوتنا ووقفت مصالحنا
ومش ممكن نستنا غريب
يدخل عشان يصالحنا
عارفين يعنى أيه غريب ؟
إن كان عدو ولا حبيب
عارفين مش عارفين
أنا صعب أقول غير عيب
صورة أرشيفية
مشاركة
اضف تعليقاً واقرأ تعليقات القراء
مشاركة
