فيسبوك
واتساب
يلا يا مصر يا ست الكل
شدى حيلك هاتى الحل
ومعاكى ريس زى الفل
عايز لشعبه الخير والعدل
وسيبك م الكذابين , مليانين غل
عايزين يرجعونا لأيام الفساد والذل
ومتعرفيش المستحيل وقدسى الكفاح والشغل
وادعى ربك واسمعى كلامه متتحرقيش بنار الجهل
ومتخافيش ربنا هيعدلها وبكره تروق والأفراح هتهل
يا فجر الحضاره ونور للتاريخ عليه العالم بيطل
رسمتك فى قلبى أميره هتعيش فى النور بدل الضل
وهترجع لقصرها فرحانه بعد الشقا والذل
يا كسر القيود ورمز الإراده يا قاضيه على كل فِل
اختارى الوحده وابعدى الفرقه والتشدد وحكمى دايما العقل
طريق التقدم يا حبيبتى بدأ وهيزيد ومش هيقل
امشى فيه واوعى تسيبيه وربك يحللك اللى ما يتحل
ربنا يحميكى ويبارك فيكى يا أغلى م المال والأهل
صورة ارشيفية
