سيد أحمد الهمشرى يكتب: اوعى تميل كفتك

قولوا لمعالى الرئيس نفسى اكون جنبـــــك
أنا برضه مصرى اصيل والله وبحبــــــــك
مش عضو ضمن الجماعه ولا من الاخوان
بس بصراحه كده قلبى على قلبــــــــــــــك
...
أنا مسيحى كمان ودينى غير دينــــــــــــك
بس ولادى وانا ومراتى عارفينـــــــــــــك
مخلص وعندك ضمير وقلبنا ويـــــــــــاك
وفى كل طلعت نهار نقوم وندعيلـــــــــــك
...
كل اللى عايزه ياريس بس تسمعنـــــــــــى
وخد بشورتى عشان دايما تشجعنــــــــــــى
اصل الرئيس اللى قبلك جار عليـّه كتيــــــر
وكان ناسينى وكان دايما ملوعنــــــــــــــى
...
نفسى تكون البلد بين الجميع شركــــــــــه
متكنش عزبه ولا تكيه ولا تركــــــــــــــه
ميكنش حزبك جشع زى اللى كان قبلـــــه
رئيسه كان الملك ومراته الملكـــــــــــــه
ومصر دايما تكون فى الصوره قدامــــــــك
مسلم مسيحى هيبقى الكل اعوانـــــــــــــــك
اوعى تميل كفتك واحده عن التانيـــــــــــــه
ونلاقى خير البلد رايح لاخوانـــــــــــــــــك