فيسبوك
واتساب
إصحى يا نايم ـ ـ وحد الدايم
يلا ع الميدان
مصر ع الكـورنيش بتـتمشى
وبتـتعشى حرية
بتـغازل النيل يرد النيل يغازلها
يفـتحلها قـلبه
تحكـى ويحكـيلها
يتذكـروا عـشـقهم
رد التاريخ شاهد
يتـذكـروا كام طاغية ع الأرض داس
وف النهاية إنداس
يتـذكـروا المماليك والإنجليز
يتـذكروا العسكر
يطلع أذان الفجر م الأزهر
الله أكـبر
كل الميدان كـبر
إسلامنا دين الوسط
منحبش المغالاه
وبنكـره التـفريط
يفـضل إمامنا أزهرى
عالم لكنه بسيط
إصحى يا نايم ـ ـ وحد الدايم
يلا ع الميدان
صورة أرشيفية
