فيسبوك
واتساب
من كام يوم كان فيه مظاهــــــــــــــــرة من كام يوم كان فيه إضـــــــــــــــــــراب
وأنا ولا عارف إيه أخرتهـــــــــــــــــــا فى الحكومة والعيشة الهبــــــــــــــــــــاب
وأدى كل الناس فى المظاهـــــــــــــــرة أطفال وشيوخ وشبــــــــــــــــــــــــــــاب
رافعين صوتهم جوة وبــــــــــــــــــــرة عايزين يعرفوا إيه الأسبـــــــــــــــــــاب
فى الغلا والعيشة المــــــــــــــــــــــــرة اللى بقت ورا كل بــــــــــــــــــــــــــــاب
والناس بتطالب بحقوقهـــــــــــــــــــــــا والصوت أهو واصل للسحــــــــــــــــاب
ومين هيسمع بس صوتهـــــــــــــــــــــا والحكومة مش عاملة حســـــــــــــــــاب
والعدل ساب البلد وفاتهـــــــــــــــــــــــا بعد ما شعره من الحكومة شــــــــــــاب
وشاف حيرة الناس وعذابهــــــــــــــــــا وشاف كل وعودها ســـــــــــــــــــراب
وشاف بحث جنائى وفيــــــــــــــــــــــــــش
مع صاحب كل رغيف عيـــــــــــــــــــــش
والناس كلها عايزة تعيـــــــــــــــــــــش وتترحم شوية من العـــــــــــــــــــــذاب
وتصحى فى يوم تلاقى العيــــــــــــــش إنشا الله تغمس بالتـــــــــــــــــــــــــراب
أهو ممكن يكون مغليـــــــــــــــــــــــش وتتخيل إنها بتاكل كبــــــــــــــــــــــاب
وأهى أكلة أحسن من مفيــــــــــــــــــــــش
بس المهم تلاقى العيـــــــــــــــــــــــــــــش
من كام يوم كان فيه مظاهــــــــــــــرة من كام يوم كان فيه إضــــــــــــــــراب
وأنا ولا عارف إيه أخرتهـــــــــــــــــا فى الحكومة والعيشة الهبــــــــــــــــاب
وصوت الناس إزداد قــــــــــــــــــــوة بعدما كان صوتها ضعيـــــــــــــــــــف
وأنا وإنت وهى وهــــــــــــــــــــــــــو من بحرى للواحة والريـــــــــــــــــــف
شفنا الذل برة وجـــــــــــــــــــــــــــوة وكنا بندعى ونقول يا لطيـــــــــــــــــف
وشفنا فيها راجل فتـــــــــــــــــــــــــوة وبيعمل إنه راجل شريــــــــــــــــــــف
وهو فى الأصل حرامــــــــــــــــــــــى وفى النصب ده حريـــــــــــــــــــــــف
ويسمع دايماً كلامـــــــــــــــــــــــــــى ويقول عليه شوية تخاريـــــــــــــــــف
وبياكل فول قدامــــــــــــــــــــــــــــــى ومن ورايا بسطرمة وبيــــــــــــــــــف
وإحنا نقف فى طابور طويــــــــــــــــل عشان نجيب إنشا الله رغيــــــــــــــــف
وناكل ونغمس بالقليــــــــــــــــــــــــــل وأحياناً بنام خفيـــــــــــــــــــــــــــــف
عشان نعرف ننام بالليـــــــــــــــــــــــل ونصحى بدرى ونجيب العيــــــــــــش
ومش مهم إحنا نعيـــــــــــــــــــــــــــش
أو حتى نلبس طرابيـــــــــــــــــــــــــش
وهى دى أحوال بلدنــــــــــــــــــــــــــا وأدينا راضيين بالمقســـــــــــــــــــــوم
وبندارى الدمع جوه عيونـــــــــــــــــــا وبنخبى فى القلب كل الهمـــــــــــــــوم
وبنقول إمتى فى مصر نتهنــــــــــــــى ونشوف الخير ولو ليــــــــــــــــــــــوم
وتروح مننا كل أحزانـنـــــــــــــــــــــــا ونلاقى الخير ورا كل بــــــــــــــــــاب
من كام يوم كان فيه مظاهــــــــــــــــرة من كام يوم كان فيه إضـــــــــــــــراب
وأنا ولا عارف إيه أخرتهـــــــــــــــــــا فى الحكومة والعيشة الهبـــــــــــــــاب
