الريجيم المناسب فى الوقت المناسب

فرحك بعد أيام, معزومة على الفرح, عندك أى مناسبة مهمة, حفلة, عيد ميلاد, اشتريتى لبس جديد وعايزه تعملى «لوك» جديد, إليك ريجيم المناسبات.
يعتمد ريجيم المناسبات على القيام به لمدة 5 أيام متتالية, فإذا كانت الحفلة أو المناسبة بعد 10 أيام, كررى الريجيم مرتين بينهما يوم إجازة, وينقص ريجيم المناسبات الوزن ما بين 5 إلى 6 كيلوجرامات, بعدها لابد من الاعتدال فى تناول الطعام, وتذكرى دوماً أن الزيادة فى الوزن تأتى من «شهية منطلقة», فلا تتناولى الطعام إلا لأنك تشعرين بالجوع بالفعل.
اليوم الأول:
الإفطار: كوب عصير برتقال أو جريب فروت أو بيضة مسلوقة.
الغذاء: عدد واحد زبادى + سلطة خضراء بدون طماطم+ شريحة توست ريجيم.
العشاء: طبق خضار + ربع فرخة.
اليوم الثانى:
الإفطار: كوب صغير لبن منزوع الدسم + شريحة توست + 2 معلقة جبنة قريش.
الغذاء: عدد 1 سمكة مشوية أو مسلوقة + واحد بطاطس مسلوقة
العشاء: طبق سلطة أو خضار + برتقال أو جريب فروت.
اليوم الثالث:
الإفطار: 2 شريحة لنشون + شريحة توست.
الغذاء: 1 سمكة مشوية + علبة تونة بدون زيت + 4 ملاعق سلطة + نص كوب عصير جريب فروت.
العشاء: 3 ملاعق أرز مسلوق أو مكرونة مسلوقة + نصف كوب جريب فروت.
اليوم الرابع:
الإفطار: 1 كوب عصير برتقال أو جريب فروت + واحدة بقسماط أو شريحة بسكويت.
الغذاء: عدد واحد سمكة أو علبة تونة + 4 ملاعق سلطة + نص كوب جريب فروت.
العشاء: شريحة توست + 4 ملاعق جبنة قريش.
اليوم الخامس:
الإفطار:
2 معلقة بران فلكس أو بليلة + نصف كوب لبن منزوع الدسم.
الغذاء:
4 ملاعق مكرونة مسلوقة + سلطة خضراء + نص جريب فروت.
العشاء:
بيضة مسلوقة + أربع ملاعق جبنة قريش + طبق سلطة خضراء.