انا دايما باصحى بدرى
النشاط فى روحى يسرى
زى حبى للحياه
والنيل لارضى يروى
ياسلام على الطيور
عشقها للزهور
بيرسموا جوايا عمرى
لما الشمس على القلب
طلعت
خيوطها علينا هلت
بسمتها فى القلب طلت
الضلمة من روحى ولت
قلبى شاف صبية
مع نور الشمس جايه
قلبى قاللى هى ديه
اللى بتحكل عنيه
اللى بتمد ايديها
لما اشمر ايديه
ايوه هى ديه
اللى ياما مسحت دموعى
اللى دايما كلامها ليه
فى حيرتى بيقيد شموعى
اللى قلبى بهمس صوتها
زى عصفور مشاغب
يشرب عسل من حلاوتها
اللى ياما حبها لقلبى بلسم
وربنا اعلى واعلم
هى نبضى وقدرى
اسمها مقرون بروحى
ياما داوت جروحى
اصلها حدوتة عمرى
قلتلها انا عمرى
ليكى
انا باحس انى عايش
لما بابص فى عنيكى
ياما كتير وبعيد سافرت
ليكى ابدا ماهجرت
الدقيقة فى بعدك طويلة
البسمة فى قلبى
مستحيلة
والدموع فى عيونى
لهفة ليكى بتكون كحيلة
انتى عروسة الزمان
انتى جوايا أمان
باحب اشوفك الصبح
بدرى
دى رموشك ياحبيبتى
هى دى وردى وزهرى
اللى سطرت فى العقل
رسمك
اللى بترسم جوايا
اسمك
ميم مسك روحى
عشق قلبى
بدلت كل جروحى
صاد صبية أملى
سابق خطواتى
فى دربى
راء رسالة للسلام
حافظها رب الانام
هى انتى فى دمى
حبى
انتى يامصر قلبى
صورة أرشيفية
مشاركة
اضف تعليقاً واقرأ تعليقات القراء
مشاركة
