فيسبوك
واتساب
علمتنى أتكلم وكان نفسى تعلمنى السكات
أصل السكات مطلوب فى معظم الحالات
بدفع ثمن للكلمة من روحى ودمــــــــــى
وياما فارس لما قال الكلمة مــــــــــــــات
......
علمتنى أن الأمانة التـــــــــــــــــــــــــزام
والرجولة بفعل مش بس بكــــــــــــــــلام
والتبن ممكن بالشكارة يوزنــــــــــــــــوه
والدهب دايما ميزانه بالجــــــــــــــــــرام
......
بيعه رخيص لو اللى تبيعه مايســـــــواش
والغالى لو يشتروه بالدنيا ماتـــــــرضاش
الغالى مش هاتلاقيه لو جيت فى يوم بعتـه
وياما غيرك زمان دوّر عليه ملقـــــــــاش
......
اسأل ضميرك إذا كل البشر أفتـــــــــــوك
واعمل حساب أن بكره ملايكه هايحسبوك
واعمل حساب أن فيه واحد كبير جبـــــــار
ممكن يحبك إذا أمك وأبوك حبـــــــــــــوك
......
أجمل ما فيك أنى بحبك باختيــــــــــــــــــار
فى الليل بشوفك زى فى عز النهـــــــــــــار
يعجبنى فيك أنى بشوف وشك صريــــــــح
وأن قلبك لسه فيه الدار عمـــــــــــــــــــــار
......
كل الصبايا فى البلد متزوقيـــــــــــــــــــــن
بس مين اللى يشوف الحُسن ميـــــــــــــــن؟
ومين يشوف الطبع من خلف الـــــــــزواق؟
غير اللى دايما جوه قلبه جوز عنيـــــــــــــن
......
أوعى الدموع تنزل ويلمحها الجبـــــان
قبل ما تدمعها قوم وفضيله المكــــــــان
واديله ضهرك قبل ما يشوف دمعتــــك
لا أحسن يعايرك مهما طال بيك الزمان
......
قلبى وقلبك لسه قاعدين فى الميـــــــدان
مستنيين نرجع إذا غدر الزمـــــــــــــان
وكل نقطة دم بتنادى هنــــــــــــــــــــاك
أنا فى انتظار الثأر من دم الجبــــــــــان
......
لما قابلنى فى الطريق معرفتهـــــــــوش
الوشوش معدش ليه نفس الوشـــــــوش؟
الكراسى غيرت فى الناس كتيـــــــــر!!
واللى طلعوا لفوق خلاص مابينزلوش !!
......
ابتسم لى حتى لو فى عينيك دمــــــــــوع
ضحكتك ليّه ميدان مليان شمـــــــــــــوع
والشموع دايما بتبكى وهيه قايـــــــــــــده
دمعها ونارها بيحرقوا فى الضلـــــــــوع
......
ابتسملى قبل ما الدنيا تضلـــــــــــــــــــــم
خلى بسماتك فى قلب الروح تعلـــــــــــــم
القمر فى زمانى مابشوفهوش كتيـــــــــــر
وابتسامتك نور أصلى عليه وأسلــــــــــــم
......
صورة أرشيفية
