شمس يومك زى غيرها
طالعة من وسط الغيوم
بعد عتمة ليل طويل
بعد حبس لسان كتوم
كان فاكرها دنيا دايمة
كان فاكرها راح تعوم
والوريث جهز جهازها
والعريس نقَّى الهدوم
والعروسة تحنى إيدها
لجل ييجى الفرْح يوم
قام فارسها لرفع راسها
جاب شعاع الشمس كوم
ف الميدان ما تحنى راسها
عن كتافها نشيل هموم
ناقصة يامَّه حاجة واحدة
لمَّا عزته إدَّاها نوم
يا عريس إصحى وصحصح
ثورتك عايزاك تقوم
صورة أرشيفية
مشاركة
اضف تعليقاً واقرأ تعليقات القراء
مشاركة
