راضى على حسين يكتب: فى حضن واحد

مهما زاد فى يوم دلالك = كل القلوب تشتاق إليكى
لمَّا فجرك طال غيــابه = والدموع جرحت عنيكى
والأمل خلوه سـراب = والهموم تقلت عليــكى
هب ابنك زى مـارد = جابلك الفرحة ف إيدكـى
قال بلدنا شعب واحـد = دمنا منك وفـــــيكى
لمََََا حلمك صار مكتف = والقمر طالع حزيـــن
واللى حبك واللى عشقك = عاش ضحية ومات سجين
حتى وردك كان بيدبل = والوتر يعزف أنيـــن
واللى خانك باع ترابك = ظلم باطش من سنيــن
راح منادى صوت بلال = والجرس دق الرنيــن
قال بلدنا تبقى حـرة = إحنا الأسود حامية العرين
هلال صليب رمز المحبة = والعلم تاج الجبـــين
لمَّا طيرك راح وهاجر = صوت الغنى فيكى اتخنق
واللى كان يمضى ويبصم = واللى زوَّر فى الـورق
حتى قوتك سرطــنوه = والسفينة تموت غـرق
شعر الضفاير قصقصوه = والقلب م الحزن افتــرق
هب ابنك خد بطـارك = والمجد عاد اللى اتسـرق
صليب هلال الحضن واحد = ما حد عن حضنه افترق