شحات بيسال محترم
متجيب جنيه
يجعل نهارك مفترج ولونه بمبى
قاله يسهل ربنا
سبنى فى عذابى والضنا
سبنى فى غلبى
سبنى فى ديونى ومحنتى
عمال ادارى فى دمعتى
واكتم واخبى
عيال بياكلوا ويشربوا
وفلوس دروس بيطلبوا
وازاى هربى؟
جمعية عايزة تدفع
والنور ده قرب يتقطع
والذنب ذنبى
كان عيبه إيه بس السفر؟
مش كان زمانى فى قط ؟
مش لسه بحبى
مش لسه عايش ع السلف
أجوع وألصّم فى الشرف
واتعب فى قلبى
قاله يا عم المحترم
كيس النزاهة لو اتخرم
اهبش وعبى
قاله بخاف من ربنا
دا العمر لو كان ميت سنة
هرجع لربى
قاله مادام هتعيش شريف
ادى مكانك ع الرصيف
متكنش سلبى
روح وغير بدلتك
الحق وصلح غلطتك
وتعالى جنبى.
