فيسبوك
واتساب
خايف يامصر النيل
مالقاش أمل فيكى
وأعيش فى حلم جميل
وأصحى على أديكى
تقوليلى يابنى حرام
عمّال تقول فى كلام
وترسم آمال وأحلام
وتقوللى مش ليكى
******
ده ابنى دا اللى مات
مش اللى عاش بيهد
ابنى اللى نَكر الذات
وضحى لاجلى بجد
أما بقيت أولادى
مابيعرفوش رحمة
واللى فيهم طيبة
ضاعوا فى الزحمة
مابقاش ده التحرير
ولا يبقى ده التغيير
دنا جرحى جرح كبير
وبطلب الرحمة
******
رجعت ليه يابنى
تفكر تانى فى ذاتك
ما أنا لو بقيت حلوة
هاتحلوْ حياتك
دنا خيرى مش حايشاه
ولسة بديلك
بس أنت إرمى البذرة
وتمّ لى جميلك
وإعرق ماتستناش
مفيش أمل ببلاش
دا لسة أرضك بكر
وميتى فى نيلك
******
دنا قلبى رفرف طار
وفرحت بالثورة
وقُلت إبنى البار
رجعنى أعيش حرة
واحتارت لما لقيت
خمس شهور عدوا
لا عمّرت ولا بنيت
ولا منعت اللى هدّوا
عاملتنى رسمى
ومسحت ليه اسمى؟
وقلت يا نفسى
وشرك أتحرك
******
