فيسبوك
واتساب
ميت أنا بعد ما حلمى هلك
سبت الصحارى والنجوع الضيقة
وسكنت حضن أوسع فلك
أحلى الشموس بلدى وهى مشقشقة
أم السمار والعمار والحب والمعشقة
ساطع صباحها أكيد
مهما الليل حلك
كفى على القرآن
وكفى التانى فى ترابها
ميت وأنا متهان
فمين عن حالى غربها
ومين دمى على إيده
ومين لجمها وغصبها
أسمح لى يا قاضى
من غير لسان أسألك
هل سيفك الماضي
يقدر يجيب تارى
ويسكن العاتى
حفرة هنا جارى
واللا القانون والورق
عن حقى راح يعدلك
على صدرك الجنة
حطيت خلاص راسى
والحور مع الغلمان
من يومها حراسى
دمى فداكى يا مصر
وشىء رخيص دمى
أمانة بعد ما مت
ما تبكى عين أمى
طوبى لكل شهيد
عارف طريقه وسلك
طوبى لكل شهيد
ساكن فى أوسع فلك
شهداء الثورة
