شيرين زكريا تكتب: الذين قالوا نعم والذين قالوا لا

يااااه أخيرا عشنا اليوم اللى من إمتى بنستناه ياااه
حلم اتحقق ومين هايصدق
إننا نخرج برة سكوتنا ويكتب صوتنا لمصر الجاية
أحلى حياة يااااه
لما كسرنا جوانا خوفنا
انتصرنا ومر ظروفنا خلاص نسيناه يااااه
شوفتو إزاى الثورة دى كانت وش الخير
بقينا شعب بإرادة حرة وأول مرة يا ناس بندوق طعم التغير
دوقوا واتهنوا يا شباب مصر قوموا وغنوا على ثورتنا الله اللاااااااااه
لكن رجاءً أخى المواطن خلى الظاهر شبه الباطن
متتلونش متتكونش فى إيدين غيرك
لما يخسر تبقى عليه لما هايكسب تبقى معاه
ياااه كنت هنسى حلم مهم
نفسى بجد بسرعة نلم
شمل وطننا ونفتح لبعضنا أحضانا
ونخلى لمستقبلنا شعارنا
ما فيش إحنا ما فيش هما
كلنا كنا مع الذين قالوا نعم والذين قالوا لااااااااه