قال الشهيد
يا أمى لا تحزنى على فراقى أنا مش بعيد
صورتى تلاقيها فى فرحة ثورة بعهد جديد
لا تقلقى وتقولى صار ابنى غريب ووحيد
اطمنى فأنا معايا كل من مات واسمه شهيد
وإن سألوكى وقالوا فين ابنك الولد
ردى وقولى طفلى راح شهيد حرية بلد
أوعدينى لا تبكى بعيون حزينة كل عيد
افتكرى إنى حى قريب وإنك أم الشهيد
أفرحى من قلبك أنا فى قبرى سعيد
غفر لى ربى ذنبى وصدق فى وعده للشهيد
وإن سألوكى وقالوا فين ابنك الولد
ردى وقولى طفلى راح ميدان التحرير ليتولد
قولى لإخواتى يرفعوا راية مصر للأبد
يكونوا لها أبناء أبرار ظهر يحميها وسند
قولى للمظلوم لا تيأس يوم ربك وعد
هنتقم ممن ظلمك وطغى فى أرضى وفسد
وإن سألوكى وقالوا فين ابنك الولد
ردى وقولى طفلى راح فدى حبه ليكى يا بلد
صورة الشهداء
مشاركة
اضف تعليقاً واقرأ تعليقات القراء
مشاركة
