فيسبوك
واتساب
مكتوب على الظرف
من بره
أختى العزيزة
أختى العزيزة بوصيكى
وصية
بكتبها ليكى والدموع
مالية عينية
هتشوفيها وهتسمعيها
وهتعرفى إيه اللى بيا
قبل يا أختى متفتحيها
هقولك تانى دى وصية
بلغى أمى سلامى
وعنها متسكتيش
ولما تسمع كلامى
قوليلها ما تبكيش
وإن كنت ضايقتك يوم
يا أمى متزعليش
يا أمى متزعليش
أخدته وضميته لصدرى
شميت فيه ريحة أخويا
وافتكرته الصبح بدرى
لما كان يصحى يجرى
يصحى يحضن أمى وأبويا
كنت أغير منه وأجرى
واتعلق فى دراع أبويا
أبويا راح وسابنى
دلوقتى راح أخويا
دلوقتى راح أخويا
أخويا مات والدمع
فى عيونى
وحزن أمى وحزنى
هدونى
الضحكة راحت
وآهاتى صاحت
واتغيروا شكلى ولونى
اتغيروا شكلى ولونى
فتحت الظرف ولقيت
ورقة وياها شريط
وصورة لينا فى البيت
مرسومة لسه ع الحيط
غمضت عنيا وبكيت
لما الألم بيه حسيت
وقلت ياريتك ياخويا
ترجعلى تانى ياريت
ترجعلى تانى ياريت
أمى جات سندت عليا
ودموعها سالت بين إيديا
وبلهفة قالت إقرى الوصية
وكانت أول كلمة مكتوبة
أختى
أختى العزيزة بوصيكى
وصية
خلى بالك من أهلك وناسك
واوعى تنسى أمك وأخوكى
خلى عقلك جوة راسك
وافتكرى دايماً بيت أبوكى
هما ليكى وانتى ليهم
وافرحى يا أختى بيهم
قربى منهم واسعديهم
وشيلى الدمعة من عنيهم
هما ليكى وانتى ليهم
أمانه عليكى يا أختى
لما أولادك يكبروا
عرفيهم
بيت أبوكى وعوديهم
علميهم
مايسبوكى وفهميهم
فكريهم بحب أبوكى
وكبريهم
واوعى من حضن أمك
تحرميهم
فكريهم يا أختى بيا
سمعيهم منى الوصية
وارحمينى فى الممات
وف سجودك إدعى ليا
أختى العزيزة
بوصيكى وصية
