وليد الوصيف يكتب: يا أم الواد الشهيد

يا أم الواد اللى أصبح شهيد
طوق الورد دا هدية من الشعب ليكِ
يا أم الواد اللى أصبح شهيد
لا تندا مى ولا تدمعى دمعه بعنيكِ
أحضنى الورد وملى عنيكِ منه
أبنك سقى الورد بدموعه ودمه
ودى صورة أبنك فوق طوق الورد فرحانة
زى طيور السلام ع الجنة سبقانه
ليه تتركِ الدموع على خدك
وأنتِ تاج العروبة فوق رأسك
اسجدى ركعة شكر لربك
أبنك فدى أهلة ورفع رأسك
أبنك أستشهد من أجل فرحتك
وعامل فى الجنة عرسه ودخلته
أضحكى وسمعى الشهيد ضحكتك
بلاش دمعك يبقى فى العرس محنته
أبنك بطل وكمان إنسان
كان وقف ضد أسطول غيلان
كان قاصد يحقق لينا الأمان
وأستشهد وفات فى قلوبنا ألف مكان
أبنك كان سلاحه حبه حجارة
وقلب جريء من طعم المرارة
وواجه بكل قوة وجسارة
ومات رافع شعار حرية كرامة
أبنك كان مؤمن بربه ودينه
حارب عشان أرضه وعرضه
ضحى بعمره وكل سنينه
عشان يرفع علم وطنه
استشهد من أجل الزرع الدبلان
استشهد من أجل الورد العطشان
استشهد من أجل الشعب الغلبان
وسبقنا على الجنة وعايش فى قلوبنا كمان
ومن لحظة ما ستشهد أبنك
وأنا كل أمالى أكون أبنك
وأرمى عمرى فى أحضانك
وأخطف من حضنك أحزانك