فيسبوك
واتساب
الشباب الثورجية
فهموا أطراف القضية
كتبوا بسم الله بلادى
من حروف الأبجدية
الشباب الثورجية
فهموا أطراف القضية
عرفوا أن الصمت كافر
عرفوا أنك مش غبية
فهموا صمتك مش تواطؤ
ساكتة لكن مش هافية
الشباب الثورجية
ندهوا باسمك وانتى سامعه
وقفوا يحموا النور بشمعه
لأجل ماتشوفى نهارك
لأجل ما تعودى عفية
الشباب الثورجية
نادوا باسمك قالوا يسقط
كل من باع القضية
كل من هانك وحبسك
واللى خلاكى غبية
الشباب الثورجية
ضحوا بالروح الوفية
ضحوا لأجل تعودى خضرا
لأجل ما تعودى بهية
حملوا علمك بين إيديهم
وف سبيلك ماتوا غيية
الشباب الثورجية
صانو شرفك يا بهية
اوعى يوم تتخلى عنهم
اوعى تنسى ف يوم دمائهم
أو فيوم تنسى قضية
الشباب الثورجية
صورة أرشيفية
