إحساس فظيع بالغربة فى المحروسة
زى إحساس السجين خوف ووحده آهات محبوسة
أوصف إيه وأقول إيه ف حالك يا بلد
غاب العشق فيكى ومستقبل الولد
كان زمان مالينى الحنين
ودايما مشتاق بعد طول الانين
دلوقتى خايف أمشى فى شوارعك
وكل يوم يتزيد الهموم
ويزيد معايا جرحى وجرحك
ليه يا عزيزه تزيدى الجراح
نفسى يرجع العهد إلى راح
ليه يا غاليه كتروا الديابة
ولا يعنى اكمن أهلك غلابة
ولادك شاربين نايمين فى المجارى
والنيل بيجرى فى أرضك وسارى
أبوس ترابك يا غالية عودى
وأنا معاكى مش هخلف وعودى
كل الكلام اتقال
كأنه موال ع الربابة شغال
من أسوان لإسكندرية للريف
غناه الريس متقال
مشاركة
اضف تعليقاً واقرأ تعليقات القراء
مشاركة
