كل يوم فى الجرايد...
أو نشرة الأخبار......
أو فى الكلام العادى...
أو حتى أى حوار......
ما بقاش فى بقنا سيرة
إلا المستر دولار......
غلى علينا الفجل......
والكوسة والخيار.....
تدى الشحات جنيه...
ينظرلك باحتقار.....
ونظرة كبر وتعالى...
فى سحنة الجزار....
والا الفرارجى البيه
وحتى بتاع الخضار....
والست خانقة جوزها..
والبيت أصبح فى نار..
تسألها فين المرتب..
عينها تطلع شرار.....
وتقولك م أنت عارف...
أنزل شوف الأسعار....
أنهى المناقشة بسرعة
قبل ما يبدأ شجار.....
وبسرعة أحضن سريرى
وأخرج قبل النهار.....
وأدعى ساعة الآذان.....
أسترها يا ستار.........
تم أضافة تعليقك سوف يظهر بعد المراجعة