أكد الرئيس عبد الفتاح السيسى، أنه يجب على المصريين أن يدركوا أن سر نهضة هذا البلد يكمن فى التزامهم وانضباطهم لكى تتقدم مصر، قائلا "أنا عايز أفهم الناس إن الحكاية بتاعتنا كلنا.. انتوا عايزين البلد دى تقوم بجد لازم تعرفوا إنه يبقى فيه التزام وانضباط مننا كلنا عشان مصر تطلع لقدام".
وأوضح الرئيس، خلال مؤتمر الشباب، أن "الناس لما لقت فرصة من خلال حالة الفوضى اللى موجودة، وتراخى قبضة الدولة فى البناء على الأراضى الزراعية، ابتدوا يبيعوا ما لديهم من رؤس ماشية عشان يلحقوا، ودا كان تأثيره إن حجم المعروض من اللحوم اللى الناس محتجاه مبقاش متاح، والدولة فى نفس الوقت فاتورة الاستيراد عليها غالية جدا،ً لأن إحنا بنستورد 60 أو 70% من حاجتنا ودا محتاج دولار نشتريه من بره، وعمل ضغط على الدولار عالى وموارد السياحة اللى تراجعت بعد الثورة وتراجع التصدير بفعل حالة الفوضى الناتجه من الثورة وحال أصحاب المصانع بغلقها".
كان السيسى قد عقب على شرح الدكتور عمرو الجارحى وزير المالية، للحالة الإقتصادية للدولة، قائلاً:" انا مش عاوز كلام للمتخصصين..عشان نعمل ميثاق معرفى وتنويرى لكل مصر..انا عاوز اقول للناس احنا عملنا كدا ليه...انا عاوز كل الناس تعرف حتى البسطاء اللى فى الشارع..عمر ما كان المستهدف هم النخب ولا المثقفين..انا بستهدف الناس اللى بتسأل انتوا بتعملوا فينا كدا ليه".
