فيسبوك
واتساب
يا أوطه يا فاكهه السلطه... يا أميره الطبق... سعرك زاد نار شطه... وصدرى
عليا طبق.... بقيتى الأولى ف قايمه الأسعار...وملكه متوجه ف سوق الخضار.. لا
تقولى كوسه ولاحتى خيار... ده انتى خلاص عديتى... وهتنافسى لحمة الجزار...
وشكلك مش هتدخلى بيتى... وقالوا الحلول محطوطه وخالصه... بدال ما تشترى
أوطه حط صلصه... فاكره يا أوطه زمان أيام الطبيخ... وهدومى إللى بقعتيها بلون
البطيخ... بقعتك زمان كنت بغسلها طول اليوم... وكنت بعمل كل حاجة عشان
أطلعها م الهدوم... أما النهاردة يا أم سعر مش عادى... بتمنى بقعتك تفضل
محطوطه... عشان أوريها لأحفادى... ويعرفوا أنى كنت بشترى أوطه..
