فيسبوك
واتساب
عشقت الشوارع ورسم البيوت
عشقتك بقولها ومن أعلى صوت
يامصر يابلدى يارمز الصمود
بحبك وحبك دا مالى الوجود
وبينى وبينك حكاوى وزمان
رويتى وسقيتى بإيدك جنان
عشطنا وشربنا بعدنا وقربنا
ونيلك حبيبنا وكنز وأمان
دروبك ريحتها بتشفى العليل
و ذكرى بعشها فـ عمرى الطويل
آبية وقوية وعايشة عفية
وحافظة الهوية يارمزى ودليل
مكانك فى قلبى وطعم البيوت
حقيقة مابينا لا يمكن تموت
تاريخك كفاح طوريه وسلاح
ولسه البراح مايعرف سكوت
فـ حضنك بلاقى الدفا والأمان
وجوه عيونك لمست الحنان
ياصابرة ونديَّة ياحلمى اللى فيا
دروبك بهية فـ طول الزمن
على شط نيلك واخدينى النسيم
ولون المزارع وقلبى يهيم
جنوبى وشمالى يمينى وشمالي
بتحضن عينيكى وتدعى الكريم
النيل - صورة أرشيفية
