ما بقاش غير الخيال
وحروفى إليكى
فى الليل ضاع السؤال
بين دهشتك وعنيكى
والحلم والترحال
كل الأمانى ضاعت
وتحقيقها (بـئـا) شىء محال
أحلام بتخنقنى
والضحكة تسرقنى
وتخدعنى
وبكتب.. للى باعنى
ماشى عكس الطريق
واخد شمال
خدتينى وتابعتك
ما لقيتش غير شماعتك
أاااااه واللى بنيناه بيت م الرمال
الحظ كان تعيس
وحلمنا تنفيس
والبخت مال
عشنا الأيام سفر
خدنا على الترحال
يتغير الموضوع
ما تفيدش أى دموع
ولا ينفع أى مال
ولا شمع يضيء فى ليل طويل
خلص الطريق
مشوار ألف ميل
والوهم كان صديق
بس السؤال
اللى ما لهش جواب
ولا كان على خاطري
ولا جه على بال
يوم تسألينى إزاى وليه
اتغير الحال
وحتعمل إيه من بعدى
ويجيكى ردى
ح أحط إيدى على خدى
وأقول لى كم موال
معليش إتحملي
بالصبر إتجملي
وبكرة أفكرك
لو عمرنا طال
سحابة وتعدى
وتعشقى بعدي
كتير على د الحال
كتير على د الحال
حبيبين
