رفرف يا قلم وطير فى سماك كل الغلابة عايشة ف حماك
لو جف الحبر الطاهر فيك نبض قلوبنا يجف معاك
أنت سلاح بيحمى الحــــق أوعى تموت يخرس وياك
حروف بتقاوم ريح الظـلم وهمومنا بتعزف لحن غناك
الكلمة الصادقة حقيقى تعيش لو تكدب نلقى الدنيا هلاك
أنت العين ولسان يتكلــم أوراقنا بتعشق كل هواك
ياما سطورك كشفت باطل مسحت دمعة لطفل ملاك
سورة"القلم" تشرف اسمك ربك أقسم بيك علاك
العقل بيعطش عايز حبرك بينده صحِّى الخير جواك
أوعى يا قلم فى يوم تتراجع مين هيقول الصدق سواك
لمَّا القلم الحر يمـوت جناينا بتكتر فيها أشـواك
مشاركة
اضف تعليقاً واقرأ تعليقات القراء
مشاركة
