ابنى عمل ناصح
وبيقرا الجرنال
قاللى يابابا
أسمعك أخبار
وكلام بيتقال
قولتلو قول يأحمد
وخلى صوتك عال
قاللى غزة
لسه سجينه
من أسرائيل
اللعينه
بمساعدة أمريكا
وبعض الحكام
قولتله
يا ولداه
وشوف الخبر ده
لسه العراق
حيران
فى تشكيل وزارة
تحت الاحتلال
شفت يا بابا
احسن من كده
استقلال
وأزمة مالية
شديدة
بكل العالم
وتقشف فى
اليونان
وأفغانستان
لسه خايفه
من طالبان
ومصطفى محمود
ممكن يبقى
فى خبر كان
قولتلو أخرس
ياابن الجبان
ده أنا يا خرفان
قاللى اهو مكتوب
إنك كنت زماااان
بتكتب
كلام تمام
لكن دالؤتى
بدأت
فى دور الجنان
وقاللى شوف يابابا
لبنان
لسه حسن نصرالله
هو اللى فى الميدان
أما الحريرى ده صورة
ومعاه ميشيل سليمان
قولتلو ياواد
بلاش كلام
يودينى السجن
كمان
مفيش صور نسوان
ضحك أحمد أوى
وقاللى مش خايف
من المدام
رديت وقولتله
مامتك ياواد
طيبه
وبنت أصل كمان
طب ياواد
مفيش كده
أخبار
تخص المصرى
الإنسان
قاللى
لسه الأزمة
بين النيابه
والمحامين
وحادثة تانية
غريبة
من غير وقت
وأوآن
أجيبلك صفحة
الرياضة
يابابا
قلتلو
عارف أن
الرباعى
بين ألمانيا
واسبانيا
وهولندا
وارجواى
يابنى شوف
اخبار العلاوه
هاتبقى كام
قاللى عشره
فى الميه
بس كل السلع
صبحت
ميه فى الميه
بالتمام
قولتلو طب
اقوم أجرى
من قدامى
أوام
وقمت
ولعت فى الجرنال
مشاركة
اضف تعليقاً واقرأ تعليقات القراء
مشاركة
