وائل عبد الودود حسين يكتب: القمر الحزين

مالك يا قمر حزين
متدارى ورا السحاب وكأنك سجين
نسوك الحيارى ولا بعدوا العاشقين
ياما عشت ليهم سنين وكنت حبيب العين

كنت الدفا والحنين ونور ليل المحبين

تداوى جرح المجروحين وتصبر قلوب الحيرانين

رد يا قمر مالك حزين ودموعك فيها الأنين

أنت جمالك زين عشقك كتير حلوين

خليت قلوب قاسية تلين

ودليت قلوب ناسية السكة منين

الشعراء كتبوا فيك دواوين

غنوا لك ملايين وأنت يا قمر حزين

رد القمر المسكين

فاتونى العشاق والحبايب غَيبيْن

نامت العيون وأنا سهران لمين

بقوا ناس ثانيين أكبر ممثلين

قلوب غشاشة وفى الكلام متلونين

فى الحب الحقيقى انقلبت الموازين

هجرونى وقلوا المخلصين

حقك عليا نورك غالى وثمين

ولو بعدت عنك ألف عين

لك عيون كتير محبين

قلبى انفطر عليك وأنت يا قمر حزين