مرتضى منصور: كريم حسن شحاتة سبب عدم تعاقد الزمالك مع "المعلم"

حذر مرتضى منصور رئيس نادى الزمالك، الإعلامى كريم حسن شحاتة من هجومه المتكرر على القلعة البيضاء، مؤكداً أنه كان يرغب فى التعاقد مع والده "المعلم" لقيادة أولاد ميت عقبة خلفاً للبرازيلى باكيتا، إلا أنه لم يتمكن من ذلك بسبب هجوم ابنه المتكرر على النادى.

وقال مرتضى خلال تصريحاته لبرنامج "اللعبة الحلوة" مع خالد الغندور، عبر شاشة "ltc": "كريم بيقول إن 7 دقائق وقت بدل ضائع فى مباراة الزمالك والمقاصة كتير، لكن لو كان أبوه اللى بيدرب كان هيقول لا الزمالك يستحق ربع ساعة، وكريم بتصرفاته وأسلوبه بيكره الزملكاوية فى حسن شحاتة، أنا عايز أجيبه لكن الناس هاجت وقالت إزاى.. ده الراجل اللى ابنه بيشتم الزمالك كل يوم".

وعلق رئيس الزمالك على الستة دقائق وقت بدل ضائع التى احتسبت فى مباراة الأهلى والإنتاج الحربى، وقال مازحاً: "طبعا الـ 6 دقائق بتوع الأهلى ماينفعوش، وبصراحة الأهلى كان ليه ربع ساعة، لأن جه جول واحد وكان المفروض يجيى 6 فى شوقى غريب، ولا إيه رأيك يا كريم يا حبيبى".