الأيام بتعدى علينا. تدوًب فينا. بتقسى علينا. تآخد كل الناس حوالينا. نصرخ ننده كل الناس. بس محدش يسمع لينا.
نطلع نجرى نروح ورا ناس. ناس ماشيين من غير إحساس. نجرى عليهم. نمسك فيهم. نلقى الهوا بقى ملو إدينا.
ماشى طريق وملهش نهاية. أدور يمكن حد معايا. يخدنى معاه وأكون وياه. يسمع ليا أعيش فى هواه.
خدنى معاك خلينى وياك. أبعد وأنسى جراحى معاك. يقولى حبيبى أنا عمرى فداك. قلبى حياتى سنينى هواك.
أصحى أفتًح تانى عيونى. ألقى كل أحبابى فاتونى. حبيبى حياتى أزاى تخاصمنى. تأخد كل سنينى تلومنى. سيبنى معاك أنا نفسى أعيش. بعدك أنا فى حياتى مليش.
أقوله حبيبى ذنبى أنا أيه. ليه أنا قلبى بتقسى عليه. بعد ما تبقى كل ماليا. تقولى أنسانى وعيش بعديا.
أنا مش عارف أنا مش شايف. عايش لكن دايماً خايف. من يوم تقسى عليك الناس. تجينى حبيبى أنا جاى أشكيلك. تلقانى قلب بلا إحساس.
حبيبى أرجعلى أنا عمرى معاك. عمرى ما أقدر يوم أنساك. أنت الدنيا وكل ماليا. مالى حبيب فى الدنيا إلاك.
مشاركة
اضف تعليقاً واقرأ تعليقات القراء
مشاركة
