بالفيديو..مواطن لـ"المسئولين":"محتاج عملية وحالتى خطيرة ونزلونى الشغل مش عارف أروح لمين"

وجه المواطن إبراهيم عبد الظاهر موظف بهيئة النقل العام رسالة للمسئولين قائلاً:"حصلى انزلاق غضروفى وعملت تركيب قفص عنقى وبعد شهرين من العملية ماحستش بأى تحسن فرجعت للاستشارى كتب لى علاج لمدة شهر قبل ما يخلص الشهر كان دراعى ورقبتى وجعنى واتحجزت فى المستشفى لمدة شهر واتحولت لمستشفى معهد ناصر وبعد ما اتحجزت للعملية الدكتور قالى إن العملية دى هتسبب لى شلل أو وفاة وإن الحل هو العلاج الطبيعى وإن ممنوع عليا الشغل فعرضت على المسئولين بالشغل عندى قالولى إحنا مانقدرش نعمل حاجة وحولونى على مستشفى الهلال والمستشفى شخصت نفس التشخيص وطلبت من المستشفى تكتب تقرير فرفضوا فاضطريت أكشف على حسابى بره قالى المفروض أشيل خراج وهناخد عظمة من الحوض نرقع بيها الفقرات المتأكلة وده يتعمل فى المركز التخصصى بالعجوزة القوات المسلحة فالهيئة قالت إنها مش بتتعاقد مع الجهة دى وأنا دايخ من شهر مارس لحد دلوقتى ونزلونى الشغل وعايزين يدونى إجازة مرضى عادى من غير حوافز وبعت فاكس لرئيس الجمهورية ورئيس مجلس الوزراء ولا حد سأل فيا هروح لمين ؟