فيسبوك
واتساب
سِموّ الأميره
ف بصة عِيونك مَخاطر كِتيره
أتوه جوا فيها واسافر و أرجع
و اتارى عِيونك بحورها خَطيره
سِموّ الأميره
أنا طفل جوا ف قلبك بيحّبي
وميت و عايش معاكِ ف حيره
سِموّ الأميره
وروحك مَداين بتسّبى العقول
وقلبى حكاوى ف ليلك تطول
و ضحكه بريئة و نظره جريئة
بتسأل عليّا وتفرض حلول
رموشِك بوّارِج بتقتل قلوب
وقِبلة عيونك إليها نتوب
وروحى ملاحظه تهفهف ف لحظه
عليكِ تقرب وفيكِ تدوب
وروحك سلاسل فُصوصها حَنين
وطيبتك بتخدع وتوّفى سِنين
ف كل الزوايا كيانك معايا
يخفف جروحى و يمحى الأنين
مشاعرِك وشِعرِك وشَعرِك حكايه
و لا اقدر أسيبك و أقولك كفايه
ولا اشبع معاكِ يا جنه ف هلاكِ
يا أقصر وأطول وأفضل بدايه
حياتِك خريطة بتشرح مَصيرى
بَحبِك و بَكْره عليّا تِغيِّرى
وعيشى ف دَارِى .. عَليهُم و دَارِى
بإنك حياتى ولحنى وطيرى
ولكن هقولك نهاية مثيره
سِموّ الأميره
ولآية جنابك عليّا قّصيره
لأنى هَكسّر حُدودك و اخطى
وتبقى ف حبى مُجرد أسيره
سِموّ الأميره
فتاة جميلة
