وتصدر الهاشتاج قائمة الأكثر تداولا بين الهاشتاجات المتداولة لليوم الأربعاء، واحتل الهاشتاج المرتبة الأولى فى القائمة.. فيما انهالت التعليقات الساخرة من مستوى التعليم فى مصر عبر الهاشتاج، فغرد أحد الشطاء قائلا "لا أنا مخاصمه مش باكلمه ده مرمطنى درسنى مواد كثير مالهاش لازمة ولا باحبها فى ثانوية عامة واخرتها رمانى فى خدمة اجتماعية ده مش تعليم ده كابوس"، وأيده ناشط آخر فى فكرة أن التعليم فى مصر كابوس مغردا "ضيعت فيك سنين ملهاش اى لازمة ولا استفدت بحاجة".
وطالب محمد محمود خلال الهاشتاج إلغاء الدروس الخصوصية والقضاء عليها نهائيا، من أجل أن يصبح لدينا جيل فاهم مش حافظ يستطيع بناء المستقبل، قائلا "يا ريت يلغوا الدروس الخصوصية، تعرف تحفظ لا يبقى ملكش عيش عندنا روح اتعلم فى حته تانيه".
وأضافت إحدى الناشطات ساخرة من مستوى التعليم "ابله عطيات بتاعت الدراسات هاتغيب اسبوع افرحوا ياولاد ويا رب وأنت ماشى يدوس عليك أتوبيس سياحى فاخر يخلى الناس مش عارفة تلم اشلائك".
بينما غرد محمد كريم "لا شوفت فيك تعليم ولا شوفت فيك ترف كل اللى فيك قرف قرف وتعليم اسود مقلم بأسود أو مخطط بأسود أو مشجر بأسود كله أسود فى أسود ومن ساعة لما دخلت مدرسة لحد ما اشتغلت مشوفتكش يا أخى أى تعليم".
وفى نفس السياق اتفق المغردون عبر الهاشتاج بتدهور مستوى التعليم فى مصر فى الآونة الأخيرة، فقال الناشط ياسر التهامى "هوه فى تعليم فى مصر غريبه أول مره أسمع مصر فيها فكاكه وفهلوه و تفتيح مخ إنما تعليم مفيش".
وتساءل ناشط آخر خلال الهاشتاج "أمتى هيبقى فى تعليم بجد، أنا اتعلمت كل حاجه الا التعليم، لو لم يكن الجهل مصريا لوددت ان يكون مصريا".
