فيسبوك
واتساب
1- مصر دولة أفريقية.. يعنى محتاجين شغل كتير ومصاريف.. ده غير إن عدد الإناث يفوق عدد الذكور فبالتالى الشغل مضمون وفى ازدياد.. وسوق العمل يحتاج إعداد ميكب أرتيست كتير
2- مهنة غير مرهقة تقوم بيها فى غرفة مكيفة حتى تتجنب وش العروسة يسيح منك.. أسهل من مهن أخرى تحتاج.. وقفة فى موقع فى الشمس أو وقفة فى طوارئ مستشفى أو وقفة ست حصص فى مدرسة ابتدائى بتشرح لعيال مبتفهمش
3- مفيهاش مشاكل أوى.. قبل ما تمشى هتقولها عجبك هتقولك قشطة.. مش عاجبها هتقولها هى البضاعة كدة منا مش هجيب مناخيرك مكان بقك يعنى.. ولو بجحت معاك بفوطة مبلولة هتشيل اللى عملته وترجعلها فلوسها وتكبر دماغك.
4- الضمان بتاعك بيبقى أقل من 24 ساعة.. ولو غسلت وشها بتخرج بره الضمان.. وأنت مش مسئول عنها
5- لا يوجد مخاطر فى المهنة حيث إن كل ما تستخدمه فرش بلاستيك وأقلام روج.. وكحل.. فيعنى عمرك ماهتتشك بصباع روج مثلا.. وكمان عمر أهلها ماهيجو يكسروا على دماغك الشنطة ولا يقولولك الحقنا البت وشها ناقص بودرة.. علقلها محلول ملح فيه.
6-عمر ما حد هيتصل يصحيك الفجر ويقولك الحق يا "أرتيست" الكحل ساح أو الرموش وقعت أو بعد ما نفت نص مناخيرها بقى أبيض والنص التانى أصفر .. فبالتالى هتضمن راحة البال
7-شغلك هيبقى يومين فى الأسبوع بس وهما الخميس والجمعة وباقى الأسبوع هتبقى مأنتخ فى البيت.
8-لن تقوم بدفع ضرائب.. عشان مفيش واحدة هتقول: أنا وشى أخد شغل بـ6 آلاف جنيه.. وبالتالى مكافحة التهرب الضريبى والجهاز المركزى للمحاسبات وفاروق العقدة محدش هيعرف عنك حاجة.
9-هتتعامل مع الجنس اللطيف فى فئة عمرية معينة.. هو مش لطيف أوى.. بس قشطة.. مش هتتعامل مع أطفال وستات كبيرة
10-سوف تتمكن من تحقيق أحلامك فى أقل من ثلاث سنوات
