أحمد العباسى يكتب: حياتى مش بإيدى

حياتى مش بإيدى ولا بإيدك
حياتى مش ملكى ولا ملك البشر
وحبى ليكى كان بداية حياتى
حبى ليكى كان هو القدر
......
حبيتك بقلبى وعقلى
حبيتك بروحى وعمرى
واديتك كل ما عندى
وسبتينى وقولتى قدر
.....
حافظت عليكى وانتى معايا
حتى فى غيابك ايوه حافظت
وانتى اسأتى فى حبى ليكى
وجرحتى قلبى وبيكى انكسر
رسمتلك أجمل طريق
ومشيتى مع غيرى فيه
وإخلاصى ليكى كان هو الدليل
وقلبك طلع أصله حجر
هقولك حاجة وصدقيها
مع غيرى مش هتلاقى حبى
وهعيدلك حاجة واحفظيها
مع غيرى برده هتلعبى
ومهما شوفتى نفسك كبيرة
حجمك فى عينى ولا شىء
أصل الكبير كبير بقلبه
وقلبك خان وبيا غدر
فى حاجه عندى ولازم تفهميها
انا صونتك واحتويتك فى عز تعبك
وانتى استغليتى طيبة قلبى اللى حبك
ومش هنادى عليكى تانى بعد اللحظه ديا
ومش هعاتبك على الجرح اللى أنا فيه بسببك
والحياه مش هتقف على واحدة زيك
ولا أنا هموت لو أنتى بعيدة عن عنيا
والحق فى النهاية بينتصر