أحمد العباسى يكتب: ابنك شهيد يا أمى

جندى ومعاه سلاحه وواقف عالحدود
قتلوه إرهاب كلاب بلا رحمة فى القلوب
مات شهيد ودمه سال فى المكان
دمه فدا بلده وفى الجنة بقاله مكان
يارب صبر أمه
يا بلادى هاتى حقه
من ولاد الكلاب
يا أم الشهيد افرحى ابنك فى الجنة ساكن
واللى استشهد ده أخويا وصدقينى كلنا ولادك
خير جنود الأرض جيشك أيوة جيشك يا مصر
وده مش كلامى ده كلام خالق الخلق رب العباد
بكتب وأنا بصرخ والدمع مالى عينى
وبتمنى رصاصة فى قلبى فداكى يا أم البلاد
وكلمة منى لكل إخوانى إرهابى صهيونى
بيادة أى جندى برقبة كل كلب منكم صدقونى
واوعوا تفكروا إنكم هتهزوا حبة رمل من رمل بلدى
والحقيقة أنكم قويتوا كل قلب فى كل جندى
وحياة كل صرخة وحرقة كل قلب أم استشهد ابنها
وكل ابن اتحرم من أبوه
حقك هيرجع يا بلدى
والذل والموت لكل إرهابى فى أقرب وقت هيشوفوه